බස් රේඩියෝ බ්ලොග් සම්මාන 2012

බස් රේඩියෝ ශ්‍රී ලංකා හි ප්‍රථම සංවත්සරය පසුගිය ජුලි මස 04 වනදා අප සමරනු ලැබුවා. ඔබේ අන්තර් ජාල වින්දනීය නිදහසේ පෙරගමන් කරු වන බස් රේඩියෝව ඔබේ ආදරය නිසාම හැමදාමත් ඔබ අතර රැඳී සිටී.
සයිබර් අවකාශයේ පමණක් නොව වෙනත් විවිධ ආයතනික වැඩසටහන් වල දී මාධ්‍ය දායකත්වය හා සහෝදරත්වයේ බැම්මෙන් ඔබ සමඟ සිටියා. එය ඉදිරියටත් එසේම පැවතේවී.

ඔබේ ආදරණීය සයිබර් රේඩියෝවෙන් බ්ලොග් ලියන ඔබ වෙනුවෙන් ම වෙන් කරන ලද සම්මාන උළෙලක්  පවත්වන්නට අදහස් කලෙමු. ශ්‍රී ලංකාවේ ප්‍රථම සයිබර් සම්මාන උළෙල පවත්වන්නට අපට ලැබීම මහත් භාග්‍යකි.

 අන්තර්ජාලයේ තමන්ගේ හිත් තුල පවතින අදහස් නිර්ව්‍යාජ ලෙස සටහන් කරන බ්ලොග්කරුවන් අගයනු වස් ඒ වෙනුවෙන්ම වූ පිළිගත් සම්මාන උළෙලක් පවත්වන්නේ නැත  නොමැත. එසේම මෙලෙස අන්තර්ජාලයේ බ්ලොග් අඩවියක ඇති දෑ සයිබරය හා සම්බන්ධ නොමැති පාර්ශවයන් දැනුවත් වන්නේ ද සුළු වශයෙනි. එබැවින් මෙම සයිබර්-විශිෂ්ඨයන් අගයනු ලබන අවස්ථා ඉතාම විරලය. 

පහත සඳහන් කැටගරි ඔස්සේ ඔබට අයඳුම් කරන්නට හැකිය.

1. හොඳම නවක බ්ලොග්කරණය  - බ්ලොග්කරණයට ආධුනික දැනට ඇරඹී මාස 6කට නොඅඩු බ්ලොග්
2. හොඳම රැඩිකල් බ්ලොග්කරණය - ජීවිතය, සමාජය දෙස වෙනස්ම ඇසකින් බලා ඒ සාම්ප්‍රදායෙන් ඔබ්බට ගිය බ්ලොග්කරණය
3. අව්‍යාජ ආත්ම කථනය වෙනුවෙන් හොඳම පුද්ගලික බ්ලොග් අඩවිය - තමන් විසින් අත්දකින තම ජිවීතය කැටිකොටගත් විවරණ ශීලි ආත්ම ප්‍රකාශණය
4. හොඳම අධ්‍යාපනික බ්ලොග්කරණය - දැනුමැති අන්තර්ජාල පුරවැසියන් උදෙසා තමන් සතු දැනුම බෙදාහරිනු වස් තාක්ෂණික ,අධ්‍යාපනික ලෙසින් කටයුතු කරන බ්ලොග්අඩවි
5. හොඳම තාක්ෂණික බ්ලොග්කරණය - යන්ත්‍ර සූත්‍ර එක්ක ගැටෙන ලෝකය දැන් ක්ලයන්ට් සර්වර් ඇතුළු සයිබර් ලෝකයට මොබයිල් ලෝකයට ඇතුළු වෙලා. මේ සියල්ල දැනුවත් කරන බ්ලොග් අඩවි
6. හොඳම පර්යේක්ෂණාත්ම විවරණශීලි බ්ලොග්කරණය - සමාජය, අන්තර්ජාලය,දේශපාලනික ආදි ඕනෑම ක්‍රේෂත්‍රයන් සත්‍ය තොරතුරු මත පදනම් ව කරුණු සොයා බලා සමාජ දැනුවත් කරන බ්ලොග් අඩවි
7. හොඳම නිර්මාණශීලි බ්ලොග්කරණය - ගැදි පැදි රචනා තුලින් සමස්ත සයිබර් ජනී ජනයාගේ රසාස්වාදනය උසස් කිරීම වෙනුනේ
8. දෙස බස වෙනුවෙන් වු සාහිත්‍යමය බ්ලොග්අඩවිය
9. විශේෂ කැටගරි ඡායාරූපකරණය වෙනුවෙන්
10. විශිෂ්ඨ කාන්තා බ්ලොග්කරණය
11. ජනප්‍රියතම බ්ලොග් අඩවිය

ලියාපදිංචි කරගන්නා අවසාන දිනය 2012 ජුලි 31 

ඒ සඳහා syndi.buzzradio.lk වෙත පිවිසෙන්න. 

 නීතිරීතී හා කොන්දේසී

1. ඕනෑම පුද්ගලයෙකුට බ්ලොග්කරණ තරගාවලිය වෙත ඉදිරිපත් වීමේ හැකියාව හිමිවේ. වයස් බේදයක් නොමැත. ඕනෑම පුද්ගලයෙකුට ඕනෑම බ්ලොග් සංඛ්‍යාවක් තරගය සඳහා ඉදිරිපත් කළ හැක.
2. තරගාවලිය වෙත ඉදිරිපත් වීමේ හැකියාව ඇත්තේ සිංහල භාෂා අන්තර්ගතයෙන් යුතු බ්ලොග් අඩවි වෙත පමණි.
3. බස්රේඩියෝ සාමාජිකයන්ට හා ඔවුනගේ පවුලේ අයගේ බ්ලොග් අඩවි ඇතුලත් කල නොහැක.
4. බ්ලොග් අඩවිය ලියාපදිංචි කිරීමේ වගකීම යොමු කල තැනැත්තා දැරිය යුතු අතර බස්රේඩියෝ ශ්‍රී ලංකා ඊට වගකියනු නොලැබේ.
5. එක් බ්ලොග් අඩවියක් කැටගරි 3ක උපරිමටයකට යටත්ව ඇතුළත් කල හැකි අතර අවම වශයෙන් එක් කැටගරියකට හෝ ඇතුළත් විය යුතුය.
6. 2012 ජුලි 04  වනදා සිට ලියැවුණු ලිපි පිළිබඳ සලකා බලනු ලැබේ.
7. බ්ලොග් අඩවියේ අන්තර්ගතය සම්බන්ධව එහි හිමිකරු වගකීම බාරගත යුතුය.
8. අසභ්‍ය දෑ අඩංගු බ්ලොග් අඩවි දැනුම් දීමකින් තොරව ඉවත් කරනු ලැබේ.
9. හිමිකම් ඇවිරීම සම්බන්ධ කිසිවකට බස්රේඩියෝව වගකීමට නොබැඳෙන අතර ඒ පිළිබඳ ගැටළු සහගත බ්ලොග් අඩවි ගැන අපට පහත මේලය හරහා දැනුම් දිය හැකිය. එවැනි යමක් ගැන පැමිණීල්ලක් ලැබුණු විට සාධාරණ විමසීමකින් තීරණ ගනු ලැබේ.  cyberfest@buzzradio.lk
10. බ්ලොග් අඩවි ඇතුළත්කරගැනීම පිළිබඳ අවසාන තීරණය සංවිධායක මණ්ඩලය සතුවේ.
11. තරගාවලිය පැවැත්වෙන කාලය තුළ තම බ්ලොග් අඩවිය තුළ තරගාවලියට ඉදිරිපත් වන අංශයට අදාළ ලාංඡන ඒ ආකාරයෙන්ම ප්‍රදර්ශනය කළ යුතු වේ.
12. සම්මාන උළෙළෙ අවසන් තීරණය එහි විනිශ්චයකරුවන්ගේ වන අතර බස් රේඩියෝව හෝ එහි සාමාජික කිසිවකු ඊට නොබැඳේ.
13. ඔබව ඇතුළත් කර ගත් පසුව ඒ පිළිබඳව ඔබට පැය 24ක් ඇතුළත දැනුම් දෙනු ලැබේ.

 මේ පිළිබඳ ලිපියක් යොමු කරන්න නොහැකි වීම පිළිබඳ සමාව අයඳිනවා නමුත් ගූගල් හා ෆෙස්බුක් හරහා දැනුම් දීමත් සමඟ ලියාපදිංචි වු සැමට ස්තුතිය පල කරන්නෙමු.

වැඩි දුර තොරතුරු :- www.buzzradio.lk 

Facebook fan page : - www.facebook.com/buzzradiolk

Facebook fan page : - www.facebook.com/syndi.buzzradio